মামৰে ধৰা আবেগ

মামৰে ধৰা আবেগ         ২৬জুন ১৭

আলসুয়া দুপৰীয়া
মামৰে ধৰা টিনৰ  ট্রাঙ্কত
সামৰি থুয়া
সেমেকাই জুয়া স্মৃতিবোৰ
হাতৰ মুঠিত লৈ
মনৰ চুতালত মেলি ধৰিলো।

বতাহৰ পৰশ  পাই
সৌৰভে ভৰি উঠিল হিয়া ;
সাৰ পাই উঠিল পুঞ্জীভূত আবেগ।
এজাক পখিলা বর্ণিল কৰি পেলালে মনতো ;
উত্তাল সুনামিৰ দৰে হৃদয়ৰ আবেগত  ভাঁহি গল
সকলো সংযম।

ভৰপূৰ  জীৱনৰ পেয়ালাৰ পৰা উপচি পৰে মিছা আৰু  ভাঁওতা সুখ ;
কোনে নো  পাৰে স্মৃতিসুধাত এনেকুয়া অমৃত বিচাৰিবলৈ ?
সোয়ৰণীৰ আলিবাটত নৈস্বর্গিক বিচৰণ কৰিবলৈ ?
ৰাইজৰ মাজত প্ৰেমৰ উচ্ছাস দেখাৱলৈ ?
আইৰ আঁচলত জপিয়াই গুনধ নিবলৈ ?
নিজৰ মতে জিয়াই থাকিব পাৰে কিমানে ?

প্রজ্ঞা পাৰমিতা ভাওয়াল 
© Paramita Prajna. All Rights Reserved. Unauthorized use or reproduction for any reason is prohibited